Mitglieder-Portraits

apfelmusHa au mal öbbis welle schriibe, über das wo jedes mitglied so tued triibe. E Schnitzelbank hani drum gschribe, viellicht ischs es bitz übertribe. Isch di name hie nid debii, muesch sicher nid trurig sii. Dra chusch du sicher au, doch erwart nid z viel fu mim Schnitzelbank-Know-How.

 


Die erst Person, wer ächt suscht, isch e Gugger mid me ne grosse Herz i de Bruscht. De Töbl odr Amor, wie die eintä tönd sääge, dued ussert em Sousi au gern e Fahne ume trääge. Sousi und Fahne nid nur das chaner famos, sid dem Jahr isch er au en Örgeli-Viruos! Das Jahr hed glaubi jede gmerkt, dass im Töbel en richtige Örgeler steckt.

 


Öb als Major, Drummer odr als sexy lLbensretterii, de Foosi isch a jedem Uftritt mit debii. Vor em Spiele söll känä z viel gsoffe haa, vu ihm us cha jede nachethäär de Töff alah. Am Ball wett er, d Bläser zum lache animiere, so tued er mid sexy Tänz brilliere. D Zrughaltig vor em Uftritt isch denn für d Füchs, denn zu allem ane wachsid am Gwändli Haar us de Büchs.


De Hengi dued sich scho länger um en Trompete aspiriere, d pauke täg ihn nümme inspiriere. Was ihn hingägä sehr dued interessiere, isch dasser nach em Usgang öbbis chan grilliere. Späck, Güml und viel meh, alles das chasch i sinere Pfanne butzle gseh.


Ob in Stans odr bim Cupcakes bache, s Frölein Äberhard macht kei halbi Sache. Voller Elahn hed sie det Hirsche vernichtet, und im Nachhinein mit de Samariter brichted. Troffe hed sie die abr nid eifach soo, pflutschnass zum Bach us isch sie choo.


Rekrut odr vielllicht au scho Soldat, weiss nid was grad uf sim Abzeiche staad. Lükl odr chlii Gregi heisster, und er isch üse Matrum-Meister. Ballsamstig heder e Vorahnig gha, dasser am Sunntig e Rundi muess springe laa. Uf em Fotti ischer de würkli vakant, de Marty wird glaub als Hellseher bekannt.


Als OKP und Vorstand hed er scho vieles erreicht und das Jahr hed de Roger sogar en gmüetlich Balljob breicht. Neopren mondiert, Wirlpool staad, und scho isch s Itrittszält parad. Im Sattel hed er Abgschöpft, klein aber fein, Roger herzlich willkommen im Fauchi-Verein.


De Thomas, als Schueler bekannt i de Gugge, isch de Präsi fu üsere Truppe. Z Äschlismatt wett er üs nid grad la dure starte, mier söllid doch uf de Uftritt warte. Smirnoff wird trotzdem bstellt und trunke, das hed ihm mäni es bitzli gstunke. Glas um Glas Mineral wird drufhii fu ihm verschänkt, dass mier brav alles suufid hätt nidmal er selber denkt.


6. Jänner und de erst Uftritt isch gschicht, plötzlich erschiint en Uftrittsbricht. Druf ane wird de Bricht fu allne usenand gnuu, abr wer ne gschribe hed, hed nu kene vernuu. Keine weiss es, jede spekulier, vor gwunder wär de einte schier es Äderli explodiert. Kinderball ufstelle wird de Author de bekannd, D Martha ischs die mid de schriibbegabte Hand.


S Knüsi hed etz e nüe name, sie wett ab sofort nüd meh fu andere Manne. As Wyrschli chund sie etz mit, die nü verhüratedi Frau, nur wird nid zum Schattegwächs, das wär ja dr Gau.


Schlaffe im car isch guet und recht abr z Steine nid z verwache ender schlecht. So pfuused de Pirmin fröhlich vor sich hii und disi probiered sin wecker z sii. Dass er sis Füdli mal zum Car us buxiert, wird er fu de Steffi is Auto dirigiert. S hed meh was funere Hundeshow gha, hed nur nu gfählt, dass sie ihn s Mändli hät la mache laa.


Bruchider hilf bim Posune schlisse, wird sich öbber sicher drum risse. De schöni Herr Gwerder wechsled d Posune we ander Lüüt d Socke, abr wenner eini hed düed er sis Guggi bis zum Aschlag rocke. Ohni a de Lippe z blüete gads bi ihm nümme, Trompete gmerkeds, bi dene tuds vorn abe rünne.


Das Spieli isch sicher jedem bekannd abr de Hülsemärtel treid sogar eis am Schlüsselbund umenand. Fu me ne Krocki wird hie gredt, etz cha mr s überall spiele, wo mr au wedt.


Shöttle dönd Bogäspeuzer nu öbbe die, üs muess keine mein lehre wie. D Steffi hed doch s Gfühl sie muess s Shöttle nüü erfinde und kippt sich deziwiis Schnapps hinder d Binde. Wär sie doch gfahre hed sich de Stifä mängisch gseid, denn de Schnaps hed sie nid würkli vertreit.


Ä Car chauffiert die meiste Guggen umenand, das isch scho rächt extravagand. Mit ÖV verschiebid mier i de Region, wie schön wärs gieng das au ausserhalb vom Kanton! Fascht hättid mier das ufgleist, wo de Lokfüerer Büeler üs isch nache greisst. Mid em Zug heig er de Weg uf Äschlismatt gfunde, S1 Äschlissmatt-Steine wird schier erfunde.


Glii hani widr e Spruch zwee feil, mr ghörid üs widr im zweite Teil. Liebe Gruess, Öpfelmuess

nächste auftritte

No events to display