Mitglieder-Portraits (2)

apfelmusSali zämä, Sali midenand, etz nim ich mal s Mikrofon id Hand.
Ich bi nämmli s Frölein Öpfelmuess, en Reimer durch und durch, fu Chopf bis Fuess.
Gern träg ich üch vor min 2. Teil, woni für jedes Mitglied en Spruch ha feil.

 

Nümm länger wetti drumume rede, etz fangi grad ah und zwar mid em Pede.
Es grosses Lob für üse Holdi, er schaffed nid nur am Morge im Stall, das Jahr sogar am Chinderball.
Als Wagebuer hängt er sich voll drii, am Umzug wett är nämmli im Traktor inne sii.

 

I sim erste Jahr as OKP, was wett dä Mäsi susch nu meh?
Wäri nid debii gsi und hät gseh wes isch gloffe hätti nid glaubt das die üs schier hend usgsoffe.
De nü OKP hed debii kei hemmige bim deko chaufe, sogar binere Gumisusi isch är nid rot aglaufe.

 

Gu Käffele gad d Irene gärn am Fritig vor de Prob, dass d Posune am abig die richtige Tön use lood.
Au bim Wage stelle lad sie sich nid la lumpe, de tued si voller Elan uf em Ahänker ume gumpe.
We sichs ghört, suffe cha sie we e Fisch, z Stans suft sie au mich undere Tisch.

 

Als Nümitglied isch sie früener nu richtig eskaliert, hü tisch das meh zivilisiert.
Das Jahr hed sie nunig mängs müesse zum fauche brungä, hoffemer d Alissa heds gsunds Mittelmass gfundä.

 

Luegid mal lings, luegid mal rechts im Gsicht hend all öbbis richtig verreckts.
D Schminki, das isch ihres Fachgebiet, kreativ isch klar, dass d Nicole dette brilliert.
Lieb und höflich a de Shotbar am Ball, plötzli hänkts ere us und lärmed «Verbrännid doch all».
Ds Stans heds bi ihre nid uf de Car glanged, drum hed sie i me ne andere Dihei uf de Morge blanged.

 

De Tim isch bi jedere Schandtaat debii, au wenner doch isch 2 Mönet hinnedrii.
Erlich gseid hani nid gwüsst was schriibe, er dued nämmli viel erwähnenswerts triibe.
Gads um über d chuchi inä ghia, rotwii oder mit shotglässli gschiire.
Passiert mal was brucht er kei Verband, zum desinfiziere seicht em eine übr d Hand.
Chum desinfiziert, das chanem känä nää, gad er a jedem d hand gu gä.

 

Am Schluss chund bekanntlich immer s beste, bi mier abr chund nu de Reste.
Ehrlich gseid hani am Afang 4 lüt usse glaa, wo all en Lüchzgi a dönd haa.
Sie sind üsi Zuekunft jung und voll Energii, sie sind das Jahr nämmli s erst Mal debii.
Etz wetti nümm länger über d Pröbis verzelle sondern üch chli über ihri Taate erhelle.

 

Als Sanitär isch er i de Lehr voll debii, das muess es Ding fu sinere Familie sii.
Üse Schotti, de chlini Müsser, isch mängisch es bitz e Besserwüsser.
De Lüchzgi wächsled er schier jede Monet, mier hoffed das wird bi ihm nid zur Gwohned.

 

Als Schaffbuur muess er nu einiges lehre, es Schaff z pantomiere sött dezue ghöre.
De Stadi isch das Jahr unser Mann, wenns drum gad z wähle de Bunnychecker Number one.
Sis Motto das Jahr isch «schmuse chani», so überzügt er eis ums ander Bunny.

 

Mid me Snuus i de Schnorre, dued er id Pauke ine bolle.
Furger Sven, so heisst üse Unihockey Pro, wänns nach ihm gieng hätt jede scho e Snous fu ihm becho.
Weg ihm hed sich d Tina scho göttlich drine gsteigered, hätt sie s säge, hätt er de nü Haarschnitt verweigered.
Direkt fum Match isch er cho zu de chind a ball, S motto troffe hend ussert er abr all.

 

Wer mitzählt hed, hed sicher use gfunde, dass nur nu öbber nid mid me Reim isch verbude.
D Chantale hed e teil russischs Bluet, das gmerkt mr schnell, wenn sie Trinke tued.
Smirnoff we Sirup, Schnäps we Most, Medis ischmeisse Glas hoch und Prost.
Nach de Probe hätt mr nu öbbe chönne spekuliere, dass de Schotti da dued as Fraueheld brilliere. Immer midenand zum Löä us, abr worde isch de glich nüd drus.

 

Fridlich dömmer im Car uf Altdorf hocke, und de üse uftritt rocke.
Nach em Uftritt isch abr fertig mid ruhig ume pirsche, de chöpfed mr nämmli Tischwiis Hirsche.
Fertig bini, meh Mitglieder hemmer niid, abr viellicht werded üsi Mitriiter ja zum Nümitgliiid.
Zu de Steibiisser gömmer hinicht alls gu gää, BOGÄSPEUZER OBACHT HÄÄÄ!

nächste auftritte